Владата на Република Северна Македонија, на својата 87-ма седница од 06.10.2022 година, донесе Одлука за дополнување на Oдлуката за посебни услови за трговијата на одделни стоки, oбјавена во (“Службен весник на РСМ” 217/2022) која стапува во сила на 07.10.2022 година.
Со оваа одлука, на предлог на Министерството за економија, се замрзнува маржата и за млечните производи:
• Урда,
• Крајво бело сирење и мешано бело сирење,
• Кашкавал,
• Кисело млеко и
• Павлака и јогурт,
за коишто се ограничува највисока трговска маржа до 10% во трговијата на големо и трговијата на мало.
Како што е познато, од 14 јуни 2022 година, утврдено е замрзнување на маржите на основните прехранбени производи: леб (бел), шеќер (бел), сончогледово масло за јадење (без ладно цедено масло), брашно од пченица (тип 400 и тип 500), макарони и шпагети од тврда пченица, македонски бел ориз и трајно кравјо млеко со масленост од 2.8 проценти, 3.2 процента и 3.5 проценти, со трговска маржа со важност до 31 декември 2022 година.
На истата Владина донесена е Одлука за престанување на важење на Одлуката за ограничување на извозот на одделни стоки.
Одлуката за ограничување на извозот се однесуваше на:
• Пченица и наполица,
• Брашно од пченица и наполица и
• Семе од сончоглед (кршено или дробено).