Почитувани,
Во “Службен весник” на Рeпублика Северна Македонија 46/2025 од 28.02.2025 година објавенa е Уредба за дополнување на уредбата за издатоците за службени патувања и селидби во странство што на органите на државната управа им се признаваат во тековни трошоци.
Со ова дополнување се дополнува членот 10 со кој се определува износот на исплатa на дневница, односно се дополнува ставот 1 со нова алинеја 4 која гласи:
– 50% од утврдената дневница, ако издатоците не паѓаат на товар на органот на државната управа, а престојот е над 30 дена, за учество на саеми и настани за промоција на државата организирани во странство, на економски план, на мултилатерална и билатерална основа.
Oваа уредба влегува во сила со денот на објавувањето во „Службен весник на Република Северна Македонија“ од 28.02.20205 година.
Согласно измената на членот 10 од Урдебата, Износот на дневницата за службени патувања во странство се исплатува и тоа:
- 50% од утврдената дневница, ако се поднесе сметка за сместување, како и во случаи кога сместувањето не паѓа на товар на органот на управата.
- 20% од утврдената дневница, ако издатоците за сместувањето и исхраната не паѓаат иа товар на органот на управата;
- 5% од утврдената дневница, ако издатоците за стручно оспособување и усовршување не паѓаат на товар на органот на државната управа, а престојот е над 30 дена. Под стручно усовршување се подразбира посета на семинари, курсеви, симпозиуми и други видови средби, организирани во странство на мултилатерална или билатерална основа
- 50% од утврдената дневница, ако издатоците не паѓаат на товар на органот на државната управа, а престојот е над 30 дена, за учество на саеми и настани за промоција на државата организирани во странство, на економски план, на мултилатерална и билатерална основа.