НОВАTA НАЦИОНАЛНА КЛАСИФИКАЦИЈА НА ДЕЈНОСТИТЕ – НКД РЕВ.2.1 ОД 01.01.2025 година ЌЕ СЕ КОРИСТИ ПРИ ИЗГОТВУВАЊЕ НА ГОДИШНАТА СМЕТКА ЗА 2024 ГОДИНА
Во “Службен весник на РСМ” 35/2024 се објави Одлуката со која се пропиша нова Национална класификација на дејностите – НКД Рев.2.1 со примена од 1 јануари 2025 година.
Со оваа одлука се донесува Националната класификација на дејностите – НКД Рев.2.1, со стандардни шифри и називи на дејностите групирани на ниво на сектори, оддели, групи, класи и поткласи. Националната класификација на дејностите – НКД Рев.2.1 е заснована на статистичката класификација на економските активности на Европската Унија. Националната класификација на дејностите – НКД Рев.2.1 е дадена во прилог и е составен дел на оваа одлука.
Националната класификација на дејностите – НКД Рев.2.1 е основа за евидентирање, прибирање, обработка, анализа, публикување и прикажување на податоците за насочување на општествениот и економскиот развој и неговите структурни промени.
Во Националната класификација на дејностите – НКД Рев.2.1, дејностите се групираат на следните нивоа според наведените ознаки:
- Сектор – се означува со ДВЕ букви (латинично/кирилично писмо);
- Оддел – се означува со ДВОЦИВРЕНА шифра;
- Група – се означува со ТРИЦИФРЕНА шифра;
- Класа – се означува со ЧЕТИРИЦВРЕНА шифра;
- Поткласа – се означува со ПЕТЦИФРЕНА шифра.
Секое наредно ниво на Националната класификација на дејностите-НКД Рев.2.1, се агрегира во претходното, освен највисокото ниво-сектор.
Описите на секторите, одделите, групите, класите и поткласите на Националната класификација на дејностите НКД Рев.2.1, како и коресподентните табели, се подготвуваат и публикуваат од страна на Државниот завод за статистика.
Со денот на влегувањето во сила на оваа одлука, престанува да важи Одлуката за донесување на Националната класификација на дејностите-НКД Рев.2 (“Службен весник на РМ” 147/08 и 4/13).
линк до Национална класификација на дејностите – НКД Рев.2.1